عدد الرسائل : 67 العمر : 34 Localisation : كويت Emploi : ... Loisirs : ... تاريخ التسجيل : 30/04/2007
موضوع: زهق من المدرسة الجمعة مايو 04, 2007 5:55 pm
للمدرسة ..كل يوم..نمشي.. وحدة في باص...والثانية في تاكسي.. زحمة من الصبح...كانها زفة..في عرسي! ألم في الراس..من الصبح..مثل الي في ضرسي! ولا شفت كشة بنية..حسبتها عبسي! شفت المعلمة : قالت لي يا فلانة درسي!
**********
طق الجرس.. وجت المراقبة تفتر.. كانها فارس متعنتر.. قالت شال مخالف.. قلنا بل..صرنا ..مكبوس محمر جوتي مخالف..لا..ما برجع الا خدي مسطر اظافر طوال يا بنية قصيهم.. رحنا ملح...لو زعتر؟ وقعدت على ذاك الكرسي.. دخلت معلمة..قالت سلام.. قلنا مرسي..!
**********
حصة ورا حصة مثل الحلق في غصة.. قالوا علوم.. قلنا..ونغصة! قالت من ويش تتكون الذرة؟ قلنا..!! ما ندري يا أبلة.. كنا نايمين في هالدرس نصه!.. تحمرت عيوناتها..وصار الدم في رصة رفعت صوتها...وقالت والله..لانقص كل وحدة منكم...من علاماتها..نصها..!
**********
دشت معلمة الرياضيات.. قالت: طلعوا اوراق يا بنات تبققت عيونا..وقلنا...ويش الخبر يا فتيات؟ اختبار مفاجئ!! طلعنا اوراق..وصارت التفاتات شالت الاوراق بسرعة.. وقعدت تشرح المعادلات..! يوم ثاني..قالت يا بنات انتوا غشاشات.. وكسلانات.. متى بتعتدلون يا معوجات؟ تنطم كل وحدة منا..ولا كان شي فات!!
**********
عربي..سميناه جمع تكسير.. لانه كسر ظهور علاماتنا تكسير الفاعل ..ضل فوق قلوبنا مرير..! والمصدر...للحين البنات يسمونه ..هرير! كل وحدة تتمنى في حصة العربي سرير.. تنام فيه..وتريح هالضمير!! ووشوشات البنات مثل الصراصير..
الاجتماعيات..!ندرس عن فرنسا ، ايطاليا، وامريكا..! مثل الاغاني لا دخلت اذنك كانها مزيكا درسنا كلشي..إلا انتاركتيكا! امريكا..في كلشي تتدخل! وجيوشها في اوطاننا تتفلل وبريطانيا مسوية روحها البطل الي يتعلل! لا تنسون..رفيقتهم اسرائيل..تنام شوي..وشوية تتملل!! تاكل شهيد!لو اثنين!ما يهم!!كله في التاريخ تغلغل ندرس عن محمد علي!! هو في قبره....ينصلي.! واحنا من كثر الي سواه ننقلي!! والي كره التاريخ!!سموه جنقلي!
**********
"حفظ السورة يا بنات" لا تغتابون المعلمات يا مغتابات.. لا تنمون يا نمامات.. لا تغشون يا غشاشات.. لا تنامون في الحصص يا منخمدات! **********
"هدددددددددددددددددددددددددددددددددة" كل وحدة تطلع ضروسها من الضحكة..طول المدة! وتقول آه..هذي اللذة! رد يصفر الوجه..لين نتذكر الهموم.. يجون أكثر من ورق الي في حديقتنا..ورق المشموم
**********
طلعنا بره المدرسة.. تستغرب...!من كثر الأنام! سيارات أشكال والوان! وحدة حمرة..وحدة خضرة..وحدة مستنقع ألوان! الأغاني حده موصله آخر الفرقان! كشة كل واحد!كأنها عش عصفور، ذيب لو ثعبان! نظارة..وكشخة..!ورزة!!..وفنان!! لكن تقص على من يالفرحان؟
**********
البنات..مثل الدود تفتر..!! الشعر نصه طالع..والخد محمر! تصرخ على هذا..وتلعن ابو وجه مقشر! تغمز رفيقتها...وتهمس محسر! تقول: يو..نسيت عبايتي..ما خليتها معطر! تستغرب من كثر الخلايق..!! من كثر البلاوي والعنتر!! تروح بسرعة..تشرد بالسيارة..تبي توصل للبيت!!أو للبر! تبي تفتك من هالمنظر! وش هالعفة!وش هالجمال!؟وش هالوجه المنور؟!!!!!
نكمل بسرعة..وعلى النت طايرين وللمسنجر فاتحين! وللسوالف دايماً بارزين! تقول: كيف الحال؟ قلنا: الحال زين! ونضل كذالين نمسي وفي نهاية الوقت نتذكر يووو نسيت أطلع بحث للدين!!
**********
ننام..وفي بالنا أحلام..وأوهام.. وحدة تعد العرسان! ووحدة للحين تمني نفسها بعاشق ولهان! وحدة تتذكر..! يا ربي صليت ركعة ولا ركعتين؟
الرئيسية 
التسجيل 
دخول 
الجمعة مايو 04, 2007 5:55 pm
